show-biz

Grabitet shtëpia e Willem Defoe

Sun, 22 May 2011 20:51:00 +0100

Vidhet shtëpia e aktorit hollivudian, Willem Defoe në Romë.

Dyshohet se banesa e aktorit të njohur është grabitur në orët e pasditës së shtunë. Sipas autoriteteve italiane të cilat kanë nisur një hetim, grabitësit kanë marrë bizhuteri dhe sende të tjera me një vlerë totale rreth 3 mijë euro.

Në momentin e vjedhjes në shtëpi nuk ndodhej askush. Vetë aktori nuk ndodhet në Romë, ndërkohë që për shtëpinë kujdesej një mikesha e tij e cila ka marrë sinjalizimin për thyrjen e sistemit të alarmit në momentin e vjedhjes, por e ka neglizhuar atë.

Një përgjegjës koreanojugor ngatërron predhat me tërmuset

Sun, 05 Dec 2010 17:14:08 +0100

SEUL- Një përgjegjës koreanojugor ka marrë kritika të ashpra nga politikanët dhe është ironizuar në lidhje me disa termuse të gjetura në ishullin e bombarduar nga Koreja e Veriut duke i paraqitur ato si predha, njofton AFP. Ahn Sang-Soo, presidenti i partisë konservatore në pushtet, Partia e Madhe Kombëtare (GNP), tregoi para kamerave dy objekte të gjetura në një shtëpi të bombarduar në ishullin Yonpyeong. Në këto imazhe Ahn konfirmonte se ''këto objekte janë predha'', por një nga kamerat kishte fokusuar një etiketë në të cilën dukej qartë se bëhej fjalë për një termus dhe jo një predhë siç pretendonte ai. Ahn është që prej asaj kohe objekt kritikash nga të gjithë në lidhje me injorancën e tij ushtarake. Për t'u mbrojtur Ahn deklaroi se objekti i ishte dhënë nga dikush që i tha se bëhej fjalë për një predhë, por as justifikimet nuk e shpëtuan nga kritikat.

Miliarderët pa shkollë të lartë

Sun, 05 Dec 2010 17:08:40 +0100

LONDËR- Pasuritë e mëdha jo gjithmonë ndërlidhen me arsimime të larta. Për këtë fakt, flet shembulli i disa prej njerëzve më të pasur të botës, të cilët kurrë nuk e kanë dashur shkollën. Në mesin e atyre që nuk kanë të përfunduar fakultetin është, për çudi, edhe njeriu më i pasur i globit. Bill Gates, themeluesi i gjigantit “Microsoft” dhe njeriu më i pasur i botës, nuk e ka të përfunduar fakultetin dhe megjithatë në arkën e tij ka 54 miliardë dollarë. Ai ka nisur studimet në Harvard, mirëpo i ndërpreu në momentin që filloi të merrej me biznes. “I admiroj studentët e sotëm, të cilët shkojnë në mënyra shumë më direkte drejt diplomave të tyre”, ka thënë Gates. “Për sa më përket mua, më vjen mirë që më quajtën studentin më të suksesshëm të Harvardit, i cili ka braktisur studimet. Sikur të ekzistonte një departament imi special në fakultet, supozoj se do të isha ai që në fund lexon përgjigjen.Në çdo rast, jam më i miri nga ata që kanë dështuar”,shprehet Gates. Nga ana tjetër, shefi i kompanisë “Oracle”, Larry Elison, është edhe një pasanik që ka braktisur studimet, në Universitetin e Chicagos. Të vetmin kualifikim akademik e ka titullin e ndërmarrësit të vitit, të cilin më 1990 e ka marrë nga Fakulteti i Ekonomisë në Harvard. Amansio Ortega, shefi i industrisë së modës “Zara” dhe i kompanisë “Insitex”, nuk ka arsimim të lartë, por zotëron 25 miliardë dollarë. Megjithatë, shumë shkolla të biznesit në mbarë botën kanë adoptuar modelin e tij të biznesit të aplikuar në “Inditex”. Edhe pronarja e zinxhirit tregtar “Wall Mart”, Cristy Wolton, është njëra prej pasanikeve që ka mbushur arkën e saj me 24 miliardë dollarë pa kryer shkollim të lartë.

Kate Winslet transferohet në Londër

Sun, 05 Dec 2010 17:01:29 +0100

Aktorja Kate Winslet do të transferohet për disa kohë në Londër në mënyrë që fëmijët e saj të jenë pranë ish-bashkëshortit Sam Mendes, i cili po xhiron filmin e ri të sagës “James Bond” në territorin britanik. Kate tregon kështu që ka një “zemër të madhe” duke thënë që nuk do ishte e drejtë nëse nuk do ta bënte këtë gjë. “Për Sam-in ky film është i rëndësishëm dhe nuk do ishte e drejtë të bënte vajtje-ardhje nga New York në Londër për të parë fëmijët. Është më mirë që fëmijët të jenë në Londër me mua”, shprehet Winslet. Aktorja, e cila po jetonte në New York, thekson se edhe pse janë ndarë ajo dhe Sam mbajnë një marrëdhënie miqësore që bazohet në respektin që kanë për njëri-tjetrin.

Blendi Klosi bëhet baba, vjen në jetë Aroni

Tue, 23 Nov 2010 20:16:32 +0100

Të hënën e 15 nëntorit bebeve VIP, i është shtuar edhe djali deputetit të Partisë Socialiste, Blendi Klosi. Aroni, fruti i dashurisë së çifit Blend dhe Nora Klosi, ditën që ka ardhur në jetë ka peshuar plot 4kg e 200 gr, dhe gjatësia e tij ishte 55 cm, thuhet të ketë qenë fëmija më i gjatë i maternitetit. Emri i tij tingëllon shumë i veçantë, por për këtë na kanë dhënë një shpjegim të qenësishëm burime të afërta pranë çiftit. Aron, është emri i përmbysur i Norës, andaj Blendi ka zgjedhur t’i vërë djalit të tij të parë këtë emër në shenjë falenderimi dhe mirënjohjeje ndaj bashkëshortes.

Tuna Sejdiu në depresion?

Tue, 23 Nov 2010 19:40:31 +0100

Këngëtarja e suksesshme me origjinë maqedonase, Tuna Sejdiu, duket se nuk po kalon kohë të mira në Prishtinë, qytet në të cilin u vendos përfundimisht pas martesës tejet të përfolur në media me djaloshin simpatik, Rilind Rekën… Burime të afërta pranë këngëtares së famshme tregojnë se ajo është duke kaluar një periudhë depresive, si pasojë mungesës së familjarëve dhe rrethit të ngushtë shoqëror, të cilët fatkeqësisht nuk i ka në Kosovë... “Tunën e ka marrë shumë malli për Maqedoninë, vendin ku lindi dhe u rrit, për miqtë dhe të afërmit që ka atje, por edhe Prishtinën ajo e do fort”, tregojnë ata, - “thjesht e ka të pamundur gjithë këtë tension...” Një tjetër mikeshë e këngëtares na thotë se: “Normalisht që Tuna mund t’i vizitojë sa herë të dojë familjarët e saj në Maqedoni, por zhvendosja e aktivitetit artistik në Kosovë, ia bën ndonjëherë të pamundur këtë...” Përpos kësaj që thonë miqtë e saj prishtinali ne dimë që Tunën publiku kosovar e do fort, dhe i mirëpret gjithmonë me kënaqësi këngët e saj. Ndërkaq duke mbetur tek jeta private, pak javë më parë ju bëmë të ditur se Tuna dhe Rilindi janë zhvendosur në një apartament të ri në Prishtinë, të cilin e kanë arreduar sipas shijeve të tyre personale... Në përfundim sa i takon jetës muzikore, Tunën e kemi parë të shfaqet në ekranet shqiptare me klipin e saj më të ri, nën titullin “Pse jo”, i cili po ka një sukses shumë të madh dhe po pritet mjaft mirë në rradhët e publikut të gjerë, sikundër po pritet dhe vetë ajo në çdo koncert ku është e ftuar...

William & Kate, martesa në fund të prillit

Tue, 23 Nov 2010 19:27:51 +0100

Princi William dhe Kate Middleton do të martohen më 29 prill, ditë e premte, në Westminister Abbey, ku u mbajt dhe ceremonia mortore e Lady Diana. Downing Street ka njoftuar se dita e dasmës do të jetë “Bank Holiday”, ose festë kombëtare. Zyra e princit Carl, babai i dhëndrit, ka njoftuar se kostoja e ceremonisë, muzikës, lulet, pritja dhe muaji i mjaltit do të paguhet nga familja mbretërore dhe ajo Middleton. Ndërsa kontribuesit duhet vetëm të mbështesin koston e sigurisë.

Pandora, një botë gjithnjë e më e pasur

Tue, 23 Nov 2010 19:15:09 +0100

Sa e mundur është që të zgjerohet një univers (i treguar)? Deri në pafundësi, mund të thoshte James Cameron. Regjisori kthehet sërish në vëmendjen e mediave falë versionit të ri të filmit të tij të fundit, Avatar. Madje versionet janë tre dhe të pasuruara me përmbajtje të ndryshme speciale. Planeti i alienëve blu tani paraqitet më i rinovuar dhe shumëfishuar, duke treguar anë që nuk janë parë në versionin origjinal. Në fakt në versionin e dytë të filmit që është duke u përgatitur, Pandora do të tregojë anën nënujore të saj.

Naomi Campbell mban paruke

Fri, 19 Nov 2010 17:06:28 +0100

Shokohet bota e modës, bukuroshja Naomi Campbell, së shpejti bashkëshorte e manjatit rus Vladimir Doronin, është tullace dhe mban nje paruke. Thashethemi qarkullonte prej kohësh, por moskovitët ende nuk e kishin pranuar. Një skenë disi e sikletshme ndodhi pak ditë më parë, në një event kulturor, ku parukja e Naomit u zhvendos disi duke nxjerrë në dritë kokën pa flokë të top modeles. Naomi ndodhej në qendrën tregtare Zum, në zemër të zonës superluksoze të Moskës, për inaugurimin e një dyqani të stilistit të peliceve Dennis Basso. Pikërisht kur sytë e të gjithëve ishin përqendruar te Naomi, parukja e saj u spostua pak, duke nxjerre ne pah pjesen pa floke. Stilisti nuk e dha veten per ate cfare pa, madje beri foto me modelen, qe perfunduan shume shpejt ne Twitter.

Hilton godet instruktorin e saj

Fri, 19 Nov 2010 17:02:12 +0100

Nga Paris Hilton mund të presësh cdo gjë edhe një goditje jo fort të mirë me këmbë, si ajo që rrëzoi në tokë trajnerin e saj personal. Fotot e realizuara në Grand Hotel tregojnë bjonden pasanike ndërsa stërvitet në kickboxing,pasioni i saj fundit për të mbajtur trupin në formë. Por sa keq që Paris gaboi në gjuajtjen e saj ndaj instruktorit, duke i shkaktuar dhimbje të mëdha. Instruktori i shkretë rezistoi për disa sekonda, më pas u përplas në tokë prej dhimbjes.