news

KQZ hap kutitë e njësisë 5

Sun, 22 May 2011 20:45:23 +0100

E diela s’ishte ditë pushimi për Komisionin Qëndror të Zgjedhjeve. Anëtarët e këtij komisioni kanë vazhduar punën me intensitet të plotë, duke shqyrtuar fillimisht ankimimet e forcave politike, teksa në sallën e mbledhjeve plenare, mbërrinte furishëm, zëri protestuesve socialistë jashtë ambjenteve të Pallatit të Kongreseve. Dy prej tre ankimimeve të shqyrtuara gjatë paradites janë shpallur si të pabazuara në ligj dhe me mungesa të provave për të hetuar pretendimet e palëve.

Ndërsa ankimimi i tretë nga Partia Socialiste, nuk mori dritën jeshile për t’ju nënshtruar hetimit pasi nuk u arrit kuorumi nevojshëm.

Kur të gjithë mendonin se kishin mbetur edhe 8 kuti për t’u hapur në KQZ kryetari Arben Ristani pak përpara një pushimi ndërmjet mbledhjeve, e rrëzoi këtë pritshmëri.

Zoti Ristani deklaroi se janë zbuluar të dhëna shtesë që sygjerojnë se janë kuti të tjera që duhet të shqyrtohen në të cilat janë hedhur gabimisht fletë votimi.

Zyra e shtypit e KQZ-së vuri në dispozicion të medias një listë në të cilën janë shënuar 27 kutitë e tjera nga KZAZ numër 49 e njësisë numër 5, që do të hapen në të cilat sipas KQZ-së ndodhen 80 vota të hedhura gabimisht, packa se janë shënuar si të kontestuara dhe të shpalluara si të pavlefshme nga grupet e numërimit dhe vetë KZAZ.

Deri në orën 15:50 kur përfundoi mbledhja paradites u hapën edhe 10 kuti prej të cilave 6 vota iu shtuan kandidatit Lulzim Basha po aq kandidatit Edi Rama dhe një Hysni Milloshit.

Vota iu shtuan edhe subjekteve politike, që garonin për këshillin bashkiak, dhe këshillin e minibashkive, për të cilat fletëvotimet ishin hedhur në kutitë e kandidatëve për Bashkinë e Tiranës.

Sikurse në ditët e shkuara juristët e Partisë Socialiste dhe anëtarët e majtë në KQZ përsëritën akuzat për Arben Ristanin.

Pavarësisht këtyre akuzave zoti Ristani ka vijuar i qetë urdhërimin e hapjeve të kutive të tjera dhe ndryshim e rezultatit në tabelën përfundimtare të c’do kutie të firmosur nga anëtarët e grupeve të numërimit përfshi ata të KZAZ-ve përkatëse.

Nërsa përfaqësuesit demokratë përshëndetën vendimin për numërin e cdo vote.

KQZ ka shqyrtuar 113 kuti duke ndryshuar rezultatin e Tiranës, me 170 vota plus për kandidatin Lulzim Basha, 81 vota për kandidatin Edi Rama dhe 3 vota Hysni Milloshit.

Mledhja e pasdites ka nisur përsëri me shqyrtimin e ankimimeve, ndërsa jashtë u rigrumbulluan sërish deputetë e protestues të opozitës.

Irlandë, gati buxheti më i fortë në histori

Tue, 07 Dec 2010 21:13:38 +0100

Republika Irlandeze po bëhet gati të publikojë më shumë detaje rreth buxhetit të saj të ashpër anti-krizë. Ministri i Financave, Brian Lenihan po planifikon ta nisë atë me 6 miliardë euro kursim nga shkurtimi i shpenzimeve, në kuadër të buxhetit më të fortë të historisë së vendit. Ky veprim është pjesë e një marrëveshjeje për të siguruar 85 miliardë euro ndihmë nga Bashkimi Evropian dhe Fondi Monetar Ndërkombëtar. Por pozita e dobët e partisë në pushtet Fianna Fail mund të bëjë që votimi në Parlament të dështojë. Nëse buxheti miratohet nga Parlamenti, atëherë ai do të sjellë marrjen e pjesës së parë të ndihmës nga BE dhe FMN.

Wikileaks zbulon planin për rajonin Balltik

Tue, 07 Dec 2010 21:01:08 +0100

SHBA dhe NATO kanë hartuar një sërë planesh për të mbrojtur vendet e rajonit Balltik nga Rusia. Kështu thotë një dokument i fundit i publikuar nga Wikileaks. Dokumentat, e publikuara në të përditshmen “The Guardian”, zbulojnë plane për të zgjeruar strategjinë e mbrojtjes duke përfshirë përvec Polonisë edhe Estoninë, Latvinë dhe Lituaninë. Wikileaks vazhdon të publikojë qindra dokumente diplomatike, duke acaruar gjithmonë e më shumë qeverinë e Shteteve të Bashkuara. Ndërkohë, një urdhër-arrest ndërkombëtar për Assange ka mbërritur sot në duart e autoriteteve në Britaninë e Madhe. Themeluesi i faqes më të përfolur të internetit dyshohet se fshihet diku në Angli dhe se po përgatitet të bisedojë kokë më kokë me oficerët e Scotland Yard.

Afganistani, Britania: Tërheqja në 2011-ën

Tue, 07 Dec 2010 20:55:55 +0100

Gjatë një vizite surprizë në Afganistan, kryeministri britanik David Cameron ka deklaruar se tërheqja e trupave mund të fillojë vitin e ardhshëm. Cameron nuk u ka vënë rëndësi kritikave të SHBA dhe Afganistanit ndaj trupave britanike, të publikuara në Wikileaks, duke u shprehur se ato nuk janë të vërteta. Cameron do të takohet në provincën afgane të Helmandit me kontigjentin britanik, ndërkohë që më vonë gjatë ditës do të shihet me presidentin Hamid Karzai. Kontigjenti i Mbretërisë së Bashkuar është i dyti për nga prania në Afganistan, pas atij të Shteteve të Bashkuara. Humbjet në radhët e tij nuk kanë qenë të pakta.

Shkodra ende njësh me ujin

Sun, 05 Dec 2010 15:52:26 +0100

Ndërsa situata duket se ka nisur të përmisohet pasi ka ulje të shkarkimeve nga hidrocentralet, në mëngjezin e sotëm Shkodra është gdhirë duke u lutur. Arqipeshkvia e Shkodrës meshën e sotme ia ka kushtuae lutjeve ndaj Zotit për shpëtimin e Shkodrës nga përmbytjet dhe i është drejtuar njerëzve që të tregohen humanitarë e të mos u marrin lekë për të transportuar me varka. Ndërsa e gjithë Shkodra po mban sytë nga uji, një dritë shprese duket se ka bërë optimist shkodranët me hapjen e kohës. Tek Harku i Bërdicës, ku një ditë më parë niveli ujit ka qenë mbi një metër, sot niveli i ujit në rrugë është rreth 30 cm, pamjet tregojnë për një ulje të ndjeshme të nivelit të ujit. Ndërsa në qytet uji nuk ka pasur tendecë rritje si ditët më parë madje në disa zona të qytetit niveli ujit ka pësuar rënie, por sipas peshkatarëve të vjetër në qytet uji do lagohet më me vështirësi se në zonën e Nënshkodrës pasi rrjedha e Bunës është shumë më e dobët se ajo e Drinit. Por tepër shqetësuese duket situata e higjenës, ku qyteti dhe Nënshkodra rrezikojnë të përballem me një emergjencë mjedisore pasi ujërat e zeza dhe karburanti që del nga pikat e përmbytura të karburanteve ka ndotur rrezikshëm mjedisin.

Prurjet maksimale, shkarkimet vazhdojnë

Sat, 04 Dec 2010 20:45:44 +0100

Prurjet në kaskadën e Drinit janë rritur edhe më shumë gjatë paradites duke mos dhënë shpresë për një përmirësim të situatës. Sipas të dhënave më të fundit të Korporatës Elektroenergjetike Shqiptare në liqenin e Fierzës prurjet e ujit kanë arritur në mesditë në 1600 metër kub në sekondë. Niveli i ujit në hidrocentralin më të madh në vend ndodhet në pikën kritike 290.85 metër dhe vijon të rritet me 2 centimetër në orë. KESH po shkarkon nga Fierza përmes portave dhe turbinave të prodhimit 1070 metër kub ujë në sekondë. Në liqenin e dytë të kaskadës atë të Komanit kuota është 169.87 metër. Prurjet që vijnë nga Fierza por edhe ato anësore në këtë hidrocentral arrijnë në 1660 metër kub ujë në sekondë dhe korporata po shkarkon 1844 metër kub në sekondë. Në pikën fundore të kaskadës, hidrocentralin e Vaut të Dejës, kuota e ujit është 73.57 metër mbi nivelin e detit. Sasia e prurjeve anësore dhe ato që vijnë nga Komani, janë 2440 metër kub ujë në sekondë. Nga ky hidrocentral KESH po shkarkon aktualisht 2167 metër kub ujë në sekondë, përmes portave por edhe agregatëve të prodhimit. Ndonëse shkarkimet janë pak më të ulëta se dy ditë më parë, kur arritën në gati 3 mijë metra, ato mbeten sërish ndër më të lartat. Kjo sasi prurjesh, por edhe parashikimet jo optimiste të motit për javët në vijim paralajmërojnë se përmbytjet në zonën e Nënshkodrës do të jenë këtë herë më agresive, por edhe më të zgjatura në kohë nga ato të kaluarat. Ekspertët e KESH shpresojnë që prurjet anësore në hidrocentrale sidomos atë të Vaut të Dejës të mos rriten më shumë, pasi nëse do të kemi sërish një situatë si ajo e tre ditëve më parë, kur ato arritën deri në 4 mijë metër kub ujë në sekondë, Korporata do te detyrohet t’i shkarkojë të gjitha dhe përmbytjet do të jenë edhe më të mëdha.

Përmbytjet, zgjerohet harta

Sat, 04 Dec 2010 20:43:04 +0100

Reshjet e shiut që nuk kanë ndalur për disa ditë kanë zgjeruar hartën e përmbytjeve pothuaj në të gjithë vendin. Zona me problematike mbetet qyteti i Shkodres dhe fusha e Nenshkodres. Sipas te dhenave me te fundit nga Grupi i Emergjences deri tani jane evakuuar nga kjo zone rreth 9000 mije persona. Nderkohe qe eshte arritur qe ne cdo fshat ku ka ende njerez te stacionohet nga nje mjek dhe nje infermier. Operacionet e evakuimit dhe te banoreve dhe dhenia e ndihmes emergjente shendetesore dhe ajo me ushqime nuk eshte nderprere nga forcat e ushtrise. Autoritetet thone ne ne Shkoder ka ende hapesira per te strehuar banoret e shperngulur. Por edhe me emergjente eshte bere situata ne zonen e Torovices ne Lezhe. Kryeministri Berisha ka kerkuar evakuimin e banoreve ne kete zone, pasi uji rrezikon te kapercejë priten. Vershim ujerash ka edhe ne Bulqizë. Nga hapja e digave ne liqenin e Ohrit ne Maqedoni i cili uji shkarkon ujin e hidrocentralit te e Spiles në Dibër të Madhe, dhjetëra shtepi ne komunen e Gjorices jane vene nen rrezik pasi prurjet e medha te ujit kane arritur te mposhtin nje pjese te argjinatures duke e kaluar siper saj rreth 50 centimetra. E papermiresuar duket situata edhe ne Durres. Niveli i ujit ne disa komuna dhe zone e plazhit nuk eshte ulur qe nga dje. Mesohet se uji ka permbytur serisht fushen e Maliqit ne Korce. Ende nuk ka informacione per siperfaqen e zene nen uje por situata duket e veshtire. Nderkohe disa akse rrugore kete zone jane bllokuara teresisht. Raportime per bllokime rrugesh vijne nga Ministria e Transportit ne disa zona te ndryshme te vendit. Veshtiresi qarkullimi ka me se shumti ne veri te vendit, por edhe disa akse rrugore eshte bere e veshtire levizja edhe ne jug te vendit.

Klinton në Kazakistan në mes të “stuhisë” Wikileaks

Tue, 30 Nov 2010 21:44:36 +0100

Sekretarja e Shtetit, Hillari Klinton mbërriti ditën e martë në Astana të Kazakistanit duke nisur turin katër ditor që përveç Kazakistanit do të përfshijë vizita zyrtare në Republikën e Kirkizit, Uzbekistan dhe Bahrein. Turi i shefes së diplomacisë amerikane mbërrin në një moment kur të gjitha mediat flasin për skandalin e publikimit të materialeve sekretet të Departamentit të Shtetit, ku Klinton rezulton e implikuar me urdhërin për spiunimin e anëtarëve të Këshillit të Sigurimit të OKB-së si dhe vetë Sekretarit të Përgjithshëm të Kombeve të Bashkuara, Ban Ki Mun. E pyetur se si do t’u “justifikohet” Uashingtoni aleatëve të tij në kulmin e shpërthimit të skandalit të spiunazhit ku përfshihen diplomatët amerikanë, Klinton u shpreh se ka patur kontakte përgjatë gjithë javës me liderë të ndryshëm anembanë globit, por problemi sipas saj nuk qendron tek raportet mes Uashingtonit dhe vendeve të tjera, por tek aktivistët e të drejtave të njeriut, liderët fetarë, e shumë zyrtarë të tjerë të cilët kanë raportuar për SHBA-në shkeljet që bëhen në vendin e tyre. Këta persona, vijoi Klinton, rrezikojnë jetën e tyre me publikimin e materialeve dhe korespondencave të klasifikuara mes diplomatëve amerikanë dhe Departamentit të Shtetit, pasi emrat e tyre mund të gjenden në këto dokumente. “Bësoj se ishte një akt i lartë papërgjegjshmërie që vendos në rrezik jetën e mijëra personave të pafajshëm në të gjithë botën”, tha ndër të tjera në fjalën e saj në Astana të Kazakistanit, sekretarja Klinton.

Wikileaks, Francezët: Shqipëria e mori lehtë NATO-n

Tue, 30 Nov 2010 21:43:03 +0100

Dokumenti i parë ku përmendet Shqipëria, shkarazi, nuk është një telegram i ambasadës amerikane në Tiranë, por një telegram i ambasadës amerikane në Paris. Dokumenti referon takimin e zëvendës asistentit për cështjet e sigurisë kombëtare të zv-Presidentit Dick Cheney me këshilltarët për cështjet strategjike të presidentit Sarkozy dhe ministrit të jashtëm Kouchner. Takimi është zhvilluar më 16 janar 2008, pra rreth tre muaj përpara se Shqipëria të merrte ftesën zyrtare për anëtarësim në NATO nga samiti i Bukureshtit. Biseda është përqëndruar në disa tema, ku sigurisht NATO dhe riintegrimi i Francës në komandën ushtarake të Aleancës, kanë zënë një vend kyc. Duke diskutuar për zgjerimin e Aleancës, në telegram citohet shprehimisht njëri prej këshilltarëve francezë. “Errera tha se Franca është e qetë me secilin prej 3 kandidatëve të Kartës Adriatik 3. Vecanërisht Franca nuk ka asnjë problem me anëtarësimin e Kroacisë. Megjithatë, Errera pohoi se Shqipëria duket se po e merr për të mirëqenë pranimin dhe lipset që të bëjë më shumë përpjekje për të fshirë cështjet e korrupsionit. Sa i takon Maqedonisë, Errera tha se qeveria e Maqedonisë nënvlerëson seriozitetin e cështjes së emrit për Greqinë dhe Shtetet e Bashkuara nuk duhet të bëjnë të njëjtin gabim. Franca nuk do të bëjë presion mbi Greqinë për këtë cështje. Ndër të tjera, nëse Athina do të lëshojë pe në cështjen e emrit, qeveria greke mund të bjerë, cka mund të sjellë një qeveri të re, që mund të jetë përgjegjëse dhe mesa duket armiqësore ndaj ratifikimit të procesit të zgjerimit”, thuhet në telegram. Nga një fjali e tillë, a mund të dilet në konkluzionin se anëtarësimi në NATO iu dhurua Shqipërisë? Kjo mbase është e tepruar. Por, fjalia na jep një ide se në c'masë cështjet e korrupsionit të brendshëm në Shqipëri, mund të shndërrohen në cështje të marrëdhënieve ndërkombëtare, duke penguar nëse nuk zgjidhen, proceset integruese të Shqipërisë, kësaj here në Bashkimin Europian.

Assange: Skandali në Shqipëri

Tue, 30 Nov 2010 21:00:13 +0100

Mes shumë industrive në shenjestrën e Julien Assange është edhe ajo e energjisë. Në intervistën e publikuar nga Forbes, themeluesi i Wikileaks flet për një sërë skandalesh, një prej të cilëve, sipas tij ka ndodhur edhe në Shqipëri. Nuk ka data, emra, por Assange flet për luftën mes dy kompanive të naftës, njëra prej të cilave përkrahej nga qeveria shqiptare. “Një shembull. Nisi me diçka që ne e publikuam vitin e kaluar, një çështje terësisht interesante që nuk ishte zgjedhur nga dikush tjetër. Është një firmë nafte teksano-kanadeze, emri i të cilës nuk e mbaj mend tani. Ata kishin puse në Shqipëri që patën shpërthime. Shumë serioze. Ne morëm këtë raportim nga një inxhinier konsulent, se çfarë po ndodhte, duke thënë se kamionët vinin në mes të natës dhe i bënin diçka puseve. Ata po sabotoheshin. Qeveria shqiptare ishte e përfshirë me kompaninë tjetër. Kishte dy prodhues rivale dhe njeri ishte në pronësi të qeverisë, ndërsa tjetri ishte privat. Kështu kur morën raportin, ai nuk kishte një kre. Nuk thuhej emri i firmës, apo se kujt i përkisnin këto puse”, është shprehur Assange. Për mungesë të dhënash ky informacion nuk u zgjodh nga kompania e themeluar prej Assange, emri të cilës sot shkakton valë frike në qarqet e larta diplomatike të botës. Ai shpjegon se si përzgjidhet për publikim çdo informacioni. “Asokohe po. Unë thashë, çfare dreqin do të bëjmë me këtë gjë. Është e pamundur ta verifikosh kur nuk e dimë nga kush vjen. Mund të ketë qenë një kompani që përpiqet t’i kurdisë diçka tjetrës. Kësisoj bëmë diçka të pazakontë, e publikuam dhe thamë se e kemi marrë këtë gjë, duket sikur është shkruar nga një kompani rivale që synon të diskreditojë tjetrën, por ne nuk mund ta verifikojmë. Na duhet më shumë informacion. Qoftë dokument fals apo i vërtetë, diçka po ndodh. Ose një kompani po përpiqet të diskreditojë tjetrën gjë që është interesante, ose është e vërtetë, që është gjithashtu shumë interesante. Historia mbeti këtu derisa morrën një letër informacion nga një kompani konsultimesh inxhinierike e cila na kërkoi ta hiqnim çështjen. Ne kërkuam që ata së pari të vërtetonin se ishin pronarët”, deklaroi Assange. Në një intervistë tjetër të dhënë pak muaj më parë, Assange e përmend sërish çështjen e shpërthimit në pusin e naftës në Shqipëri, duke e krahasuar me çfarë ndodhi në Gjirin e Meksikës, megjithëse jo i atyre përmasave.